Ne dâde-i mahlûka ne sîm-ü zere minnet
Dîvân-ı ezelde yazılan deftere minnet
Katletmişiz ümmîd-i atâyâyı felekten
İhsan-ı Hüdâvend-i cihan pervere minnet
Pâyında bulur saydını ankây-ı tevekkül
Etmez heves-i sayd ile bâl ü pere minnet
Maksûdları feth-i der-i Kâ'be-i dildir
Etmez Şeh-i iklîm-i fenâ leşkere minnet
Ümmîd-i nevâl asldan et fer'den etme
Âteş var iken eyleme hâkistere minnet
Âyînedekî aksine nâz eyliyen âfet
Bir haftada eyler iki kez berbere minnet